skip to content

Site in English  

Die Telers

'n Unieke vennootskap wat in 1996 tussen vier Merinotelers van Victoria-Wes om ‘n braaivleisvuur bekragtig is, het die geboorte van die Konsortium-Merino ingelui en sedertdien een van die Merinobedryf se grootste genetiese suksesse opgelewer.

Toe Gawie van Heerden van Dombietersfontein-Merino’s, John Luscombe van Grove-Merino’s, Vetties Esterhuizen van Victoria-Merino’s en Lukie Erasmus van Brandewynskuil ooreengekom het om hul top stoetramme voortaan te verpoel, was dit die begin van ‘n suksesverhaal. Vandag verkoop Konsortium jaarliks die meeste Merinoramme op amptelike veilings in ons land en spog met die SA rekordomset vir ‘n Merinoramveiling.

In 2002 het Phil van der Merwe, na 42 jaar as skaap- en woldeskundige in diens van BKB, sy tuig neergelê en hom as vyfde teler by die span aangesluit. Phil is in September 2014 oorlede, maar sy Merino nalatenskap leef voort in die Konsortium-groep.

Besoek asb. die volgende:
Vorige bladsy  |  Terug na bo  |  Site in English  |  
Powered by Invoices Online