Konsortium bied meer

Teen ‘n jaarlikse fooi van slegs R4 per ooi verskaf die Konsortium-maatskappy ‘n uitgebreide diens en veiligheidsnet aan sy boere. Dit sluit in:

• top Merinogenetika;
• ‘n korting van 10% per ram, op alle Konsortium-Merinoramme aangekoop; Konsortium-kundigheid, wat sal bydra tot finansiële vooruitgang;
• bystand ten opsigte van ooiseleksie, die keur van ramme en bestuur van skaapkuddes;
• toesig oor kuddes se vordering deur ‘n eenvoudige rekenaarmodel, wat die prestasie van kuddes meet, sodat boere weet hoe hulle verbeter;
• ‘n handelsmerk van hoë gehalte wat 'n premie verdien; 
• die bemarking van goedgekeurde ooie onder die Konsortium-handelsmerk;
• die bemarking van wol onder die handelsmerk; en
• die toekomstige bemarking van vleis onder die handelsmerk.

Alle wolboere kan van die Konsortium-raadgewersdiens gebruik maak. Die vrywillige kontrak word jaarliks hernieu.