Vinnige Feite
- Besoeke aan honderde gelukkige kopers die afgelope jare bevestig Konsortium-ramme se positiewe impak op ander kuddes.
- Wissellammers skeer 16.1 - 17.2 mikron wol.
- Die vyf Konsortium-stoettelers se kuddes se gemiddelde skeerselveseldiktes wissel tussen 18.5 en 19.5 mikron.
- Slaglammers word in normale jare, van die veld af, op 30 - 40kg gespeen. In goeie jare kan hulle tot 50kg weeg.
Konsortium se telersvennootskap haal die raaiwerk uit Merinoteling deur doelgerigte, individuele parings met tot 6 000 stoetooie jaarliks. Dit verseker ‘n wye keuse van topgehalte verkoopsramme aan die mark
- Konsortum-Merino span die natuur in as vernaamste klasser en teel ‘n skaap wat lyk soos Moeder Natuur dit wil.
Meer as 3 100 Merino-ooie met 15 Konsortium-ramme gepaar, is die grootste Merino-nageslagtoets wat nóg in Suid-Afrika aangepak is.
Hulle het die rekord-omset vir ‘n Merinoramveiling reeds ses keer in 'n ry verbeter.
Die span glo in die opheffing en ontwikkeling van hul mense. Hul bied volwasse onderrig aan 30 van hul arbeiders deur gebruik te maak van multimedia programme.
Konsortium-Merino is die eerste Merinostoetery in Suid-Afrika om sy eie kliënteraadgewers aan te stel en sodoende waarde tot sy boere se besighede te voeg.
Altesaam 124 boere met meer as 193 00 ooie het al by die Konsortium-familie aangesluit.
In 2001 het Konsortium-Merino met 78 ramme op een veiling afgeskop. Vandag verkoop hulle jaarliks die meeste ramme op amptelike veilings in Suid-Afrika - tot soveel as 311 ramme per veiling, en 670 per jaar.
