skip to content

Site in English  
  • Hoogste prys R80 000Hoogste prys R80 000 picture

    Op Konsortium-Merino se 30ste produksieveiling, 18 Februarie 2016, is die ram vir die hoogste prys ooit verkoop. Hy het R80 000 behaal.

  • Verbeter SA rekord op 32ste veilingVerbeter SA rekord op 32ste veiling picture

    Al 353 ramme is teen ?n gemiddelde prys van R8 418 verkoop. Hiermee verbeter Konsortium-Merino sy huidige SA rekordomset vir ?n Merinoramveiling na R2 971 400.

  • Belê in ooi-eenhedeBelê in ooi-eenhede picture

    Koop Konsortium Merino ooi-eenhede. Dis 'n veilige belegging in vee, sonder om by die bestuur van 'n boerdery betrokke te raak

  • Verander ratte van prysnemer na prysgewer

    2014-02-13

    Prof. Eckart Kassier het in 1994 reeds voorspel vanjaar gaan net 30 000 boere oor wees. Toentertyd het menige boer gedink die prof is koekoes, maar vandag is ons net soveel. Kwyn is ons voorland as ons nie...

  • Geloof soos wolGeloof soos wol picture

    Angus Buchan dra sy 100% trots Suid-Afrikaanse, Konsortium-Merino wolbaadjie met vreugde.

  • From sheep to shop

    2012-03-28

    Life is like riding a bicycle. To keep your balance, you must keep moving...

View All News  |  View Archived News

Gooi katalogus weg

Gooi katalogus weg
 

"Die kuddeboer kan maar sy katalogus weggooi en toe-oë 'n bakkievrag ramme kom koop. Dit is die eenvormigste span ramme nóg wat Konsortium-Merino gaan aanbied."

Só gesels Gawie van Heerden, Konsortium-Merinoteler, oor die 132 ramme wat op Lentedag, 1 September 2005, op Konsortium se negende produksieveiling onder die hamer kom. Hy meen díe ramme sal in enige Merinokudde 'n verskil maak.

Derick Erasmus van Stutterheim, wat al sedert 2001 Konsortium-ramme koop, getuig sy skaap is deesdae groter en gladder, en waarborg hom elke agt maande 'n goeie B-lengte wol. Die wol is baie minder "gepak". Sy skeerrekords bevestig egter hy skeer nie minder wol nie. "Ek het in die verlede 'n C vir 'n B-lengte geklas. Vandag besef ek wat is goeie wollengte."

Derick erken hy het fynwol nagejaag en die verkeerde tipe het sy lampersentasie tot 67% laat daal. Sy Merino-oes van September 2004 spog egter met 'n lampersentasie van 112%. Díe lammers is in Januarie 2005 op vier maande van die veld af gespeen, en die swaarstes het die skaal tot 42kg laat klim. Te danke aan die Konsortium-Merinotipe weeg sy lammers op 12 maande ouderdom gemiddeld 8kg swaarder as in verlede.

Les Ekron van Barkly-Oos, sê die eerste Konsortium-Merinoramme wat hy in 2001 gekoop het, draf nou nog in sy span. "Hulle het in my bergwêreld aangepas en is gehard. Ek het nog nie een verloor nie."

'n Pluspunt van die Konsortium-tipe is die besparing in voerkoste wat dit op sy plaas teweeg gebring het. Sy wolkwaliteit het beslis ook verbeter. Op CMW se Februarie '2005-wolveiling het sy lammerwol die naasbeste prys behaal.

Op 'n onlangse kuddekompetisie in sy distrik is een van sy jong ooie as kampioen gekroon en nog ene het die derde plek volgestaan. Les is ook trots op die hammels wat hy deesdae bemark.

Anton Lombaard van Britstown, meen as gevolg van die Konsortium-inspuiting op sy plaas is sy Merino's vandag vrugbaarder en word minder deur brommer-aanvalle geteister. Hy erken graag "ek is lief vir my Merino's." Die gemak waarmee hy deesdae met sy Merinoskaap boer, het hom oortuig om sy Dorperkudde op sy veepos met díe tipe te vervang.

Konsortium-Merino het 257 ramme vir sy September-veiling prestasietoets. Die span se gemiddelde veseldikte was 17.3 mikron. Kobus Vivier, Willie Kotze en Bennie Steenkamp, almal van BKB, het na 'n streng keuring 132 ramme vir die veiling geselekteer. Díe ramme het op 22 Julie 2005 gemiddeld 78kg (swaarste 84kg) geweeg, 'n gemiddelde veseldikte van 18.5 mikron (fynste 16.3 mikron; sterkste 21.3 mikron) gehad en met 'n gemiddelde skoonopbrengs van 70% (hoogste 79%) gespog. Daar lê nog meer as 'n maand se groei vir die ramme voor. Kom kyk hoe lyk hulle op Lentedag!

View Archived News

website design & website hosting by nellen.co.za website engineers