skip to content

Site in English  
  • Hoogste prys R80 000Hoogste prys R80 000 picture

    Op Konsortium-Merino se 30ste produksieveiling, 18 Februarie 2016, is die ram vir die hoogste prys ooit verkoop. Hy het R80 000 behaal.

  • Verbeter SA rekord op 32ste veilingVerbeter SA rekord op 32ste veiling picture

    Al 353 ramme is teen ?n gemiddelde prys van R8 418 verkoop. Hiermee verbeter Konsortium-Merino sy huidige SA rekordomset vir ?n Merinoramveiling na R2 971 400.

  • Belê in ooi-eenhedeBelê in ooi-eenhede picture

    Koop Konsortium Merino ooi-eenhede. Dis 'n veilige belegging in vee, sonder om by die bestuur van 'n boerdery betrokke te raak

  • Verander ratte van prysnemer na prysgewer

    2014-02-13

    Prof. Eckart Kassier het in 1994 reeds voorspel vanjaar gaan net 30 000 boere oor wees. Toentertyd het menige boer gedink die prof is koekoes, maar vandag is ons net soveel. Kwyn is ons voorland as ons nie...

  • Geloof soos wolGeloof soos wol picture

    Angus Buchan dra sy 100% trots Suid-Afrikaanse, Konsortium-Merino wolbaadjie met vreugde.

  • From sheep to shop

    2012-03-28

    Life is like riding a bicycle. To keep your balance, you must keep moving...

View All News  |  View Archived News

Die beste veiling nog!

Die beste veiling nog!

Uitverkoop! Al 310 ramme op Konsortium-Merino se 17de produksieveiling, 3 September 2009 op die plaas Dombietersfontein, Victoria-Wes, is teen ‘n gemiddelde prys van R5 199 vir nog ‘n nuwe SA rekordomset vir ‘n Merinoramveiling verkoop.

Fanie Griesel van Springfontein sê “die veiling was ‘n doodskoot.” Die bemarkingstema, Sien is glo, het waar geword want al die ramme is teen nog beter pryse as voorheen verkoop - tog kon die kuddeboer steeds 150 goeie ramme teen bekostigbare pryse (R3 500 gemiddeld) op die Helmsman-deel van die Konsortium-veiling koop.

Die hoogste prys was R34 000. Dit is deur die broers Hennie en Isak van Heerden, en Jannie Olivier, almal van Victoria-Wes, betaal. Boetie van der Westhuizen en Melt van den Heever van Loxton het saamgespan om ‘n ram teen die naashoogste prys van R28 000 te koop. Al 722 ooie op die veiling is teen gemiddeld R934 stuk verkoop. Die hoogste prys was R1 025 vir Konsortium-goedgekeurde tweetand-ooie.

Dit is die groep se eerste veiling sonder die hulp van ‘n makelaar, nadat BKB in Junie 2009 bekendgemaak het hulle verkies om nie meer KM se veilings aan te bied nie. Die aankondiging is gemaak kort nadat Konsortium-boere se eerste wol aan Segard Masurel gelewer is. Karoo Vleisboere Koöperasie (KVB) van Victoria-Wes het die kans aangegryp om die veiling-administrasie te behartig en Jakkie Nel, Konsortium-Merino se boerementor van Somerset-Oos, was die afslaer.

Kiepie Pienaar van Dewetsdorp meen private inisiatief het geseëvier en die aanvraag was groter as die aanbod. “Die ramme was tops, die veiling is professioneel aangebied en die diens was flink.” Hy was verras deur die talle nuwe kopers op die veiling, wat net wereens bewys Konsortium-Merino wen veld in die bedryf.

Braam Coetzee, besturende direkteur van Konsortium-Merino, sê “die veiling was ongelooflik.” Hy skryf Konsortium se sukses toe aan ‘n goeie produk en harde werk om dit oral-oor te bemark. Konsortium besoek sy kliënte persoonlik en as die boer by die KM-groep aansluit voeg Konsortium waarde toe tot sy boerdery d.m.v ram- en ooiseleksie, raad oor kuddebestuur, vee-monitering en met vergelykende syfers. “Ons kliënte is opgewonde oor die Konsortium-Merino. Die feit dat die vraag die aanbod oorskry, bewys dat hulle graag ons ramme wil gebruik. Ons kliëntetal groei, want daar is vertroue in ons ramme wat landswyd boere se kuddes verbeter.”

Konsortium-Merino verkoop jaarliks die meeste Merinoramme op amptelike veilings in SA. Die groep het vanjaar 683 ramme op drie veilings verkoop. Hulle glo in veldaangepaste ramme en daarom word al die ramlammers tydens prestasietoetsing aan natuurlike veldtoestande onderwerp. Moeder Natuur doen eerste die klaswerk en daarna word die ramme deur twee bekwame wolskaapkenners, Phil van der Merwe en Cobus Vivier, geselekteer. Die span begin met meer as 1 500 ramlammers om sowat 350 ramme op elke veiling aan te bied. Hand-en-oog evaluasie en prestasiedata word ingespan om uiteindelik die beste ramme vir elke veiling te kies.
 

View All News

website design & website hosting by nellen.co.za website engineers