skip to content

Site in English  
  • Hoogste prys R80 000Hoogste prys R80 000 picture

    Op Konsortium-Merino se 30ste produksieveiling, 18 Februarie 2016, is die ram vir die hoogste prys ooit verkoop. Hy het R80 000 behaal.

  • Verbeter SA rekord op 32ste veilingVerbeter SA rekord op 32ste veiling picture

    Al 353 ramme is teen ?n gemiddelde prys van R8 418 verkoop. Hiermee verbeter Konsortium-Merino sy huidige SA rekordomset vir ?n Merinoramveiling na R2 971 400.

  • Belê in ooi-eenhedeBelê in ooi-eenhede picture

    Koop Konsortium Merino ooi-eenhede. Dis 'n veilige belegging in vee, sonder om by die bestuur van 'n boerdery betrokke te raak

  • Verander ratte van prysnemer na prysgewer

    2014-02-13

    Prof. Eckart Kassier het in 1994 reeds voorspel vanjaar gaan net 30 000 boere oor wees. Toentertyd het menige boer gedink die prof is koekoes, maar vandag is ons net soveel. Kwyn is ons voorland as ons nie...

  • Geloof soos wolGeloof soos wol picture

    Angus Buchan dra sy 100% trots Suid-Afrikaanse, Konsortium-Merino wolbaadjie met vreugde.

  • From sheep to shop

    2012-03-28

    Life is like riding a bicycle. To keep your balance, you must keep moving...

View All News  |  View Archived News

Boer-beheerde besighede het baie voordele vir landbouers

SPAN SAAM IS KENNERS SE RAAD

'n uittreksel uit 'n artikel in Landbou Volksblad deur Charles Smith

EERS was daar die AWB wat op almal se tong was. Toe die BWB en later BTW. Nou is daar BBB’s, of boer-beheerde besighede wat die nuwe gonswoord gaan word. Boer-beheerde besighede word voorgestel as sake-eenhede waarmee ’n groep boere beter marktoegang kan kry, groter volumes kan produseer, koste laer hou en risiko’s verminder.

Me. Lize Terblanche van die departement landbou-ekonomie aan die Universiteit van die Vrystaat (UV) het op die Melkprodusente-organisasie (MPO) se toer deur die Vrystaat klem daarop gelê boere het met groepvorming – of BBB’s – ’n veel beter kans op sukses. Boere kan só ook saam toerusting koop, meer volhoubaar boer, eksterne finansiering bekom, toegang tot beter markinligting bekom en kan as groep selfs hul eie veearts aanstel. Hulle deel in ’n groep mekaar se vaardighede en advies.

’n Groep melkboere wat saam ’n melkery in Noordwes gestig het en die Gauteng-mark betree het, is as voorbeeld voorgehou hoe só 'n groep suksesvol kan wees. Dit is duidelik gestel dat jy nie byvoorbeeld met net ’n paar liter melk per dag in Gauteng ’n slag wil slaan nie. Die klem moet ten alle tye op gehalte wees. Dan naspeurbaarheid, en dan kwantiteit. Lede van só ’n groep moet egter eenders dink. Die groep met die beste gehalte produk gaan die beste pryse kry. Melkboere het egter volume nodig om vir ’n beter prys te kan beding – en dit is absoluut tot voordeel vir die kleiner boer.

Mnr. Koos Pienaar, voorsitter van die MPO in die Vrystaat, het gesê hy stem saam met dié siening dat Vrystaatse melkboere as één groep moet beding vir een prys.Groepvorming kom ál meer na vore in die streek, waar boere nie net saamgroepeer vir getalle as ’n drukgroep nie, maar om ’n beter produk vinniger by hul kliënte te lewer.

Konsortium-Merino (KM) van Victoria-Wes in die Karoo is ’n maatskappy Merino-telers wat hul top-genetika in ’n ál groter wordende kring beskikbaar stel. Hulle het reeds meer as 100 lede met 170 000 ooie en mik na 1,5 miljoen ooie teen 2019. KM verkoop die meeste Merinoramme in die land.
 

View All News

website design & website hosting by nellen.co.za website engineers