skip to content

Site in English  
  • Hoogste prys R80 000Hoogste prys R80 000 picture

    Op Konsortium-Merino se 30ste produksieveiling, 18 Februarie 2016, is die ram vir die hoogste prys ooit verkoop. Hy het R80 000 behaal.

  • Verbeter SA rekord op 32ste veilingVerbeter SA rekord op 32ste veiling picture

    Al 353 ramme is teen ?n gemiddelde prys van R8 418 verkoop. Hiermee verbeter Konsortium-Merino sy huidige SA rekordomset vir ?n Merinoramveiling na R2 971 400.

  • Belê in ooi-eenhedeBelê in ooi-eenhede picture

    Koop Konsortium Merino ooi-eenhede. Dis 'n veilige belegging in vee, sonder om by die bestuur van 'n boerdery betrokke te raak

  • Verander ratte van prysnemer na prysgewer

    2014-02-13

    Prof. Eckart Kassier het in 1994 reeds voorspel vanjaar gaan net 30 000 boere oor wees. Toentertyd het menige boer gedink die prof is koekoes, maar vandag is ons net soveel. Kwyn is ons voorland as ons nie...

  • Geloof soos wolGeloof soos wol picture

    Angus Buchan dra sy 100% trots Suid-Afrikaanse, Konsortium-Merino wolbaadjie met vreugde.

  • From sheep to shop

    2012-03-28

    Life is like riding a bicycle. To keep your balance, you must keep moving...

View All News  |  View Archived News

BKB breek bande met Konsortium

Skaars ‘n week nadat Konsortium-boere hul eerste wol aan die koper, Segard Masurel (SM), gelewer het, het BKB bekend gemaak dat hy nie meer Konsortium-Merino se veilings op Dombietersfontein, Victoria-Wes, gaan aanbied nie.

Mnr. Braam Coetzee, Konsortium se besturende direkteur, het sy teleurstelling uitgespreek oor BKB se drastiese besluit. “Konsortium het van die begin af met BKB en sy veldbeamptes saamgewerk. Dis jammer hul neem so ‘n besluit. Alle BKB veldbeamptes is nog welkom op ons veilings,” het Coetzee gesê.

Konsortium Merino se twee jaarlikse produksieveilings, wat BKB reeds vir jare aanbied, is die grootste Merino-veilings in die land. Mnr. Jacobus le Roux, BKB se bestuurder: vesel, het op 25 Mei op ‘n vergadering met Coetzee, aangekondig sy maatskappy gaan voortaan nie meer Konsortium-Merino se veilings aanbied nie.

Coetzee sê die hoofredes wat BKB gegee het, was dat hy nie aan Gawie van Heerden, Konsortium-direkteur, se verwagtinge as aandeelhouer kan voldoen nie, dat BKB nie daarmee gediend is dat Konsortium sy personeellede werf nie; en dat hy nie daarvan hou dat Konsortium kollektief vir sy lede beding nie.

Aan Landbouweekblad het Le Roux gesê BKB se optrede is spesifiek teen Van Heerden as individu gerig. “Ons sakeverhouding met Van Heerden word gestaak. Daarom kan ons nie meer sy veiling behartig nie. Dit gaan oor geen ander naam of onderneming nie, net oor Gawie.” Die res van Konsortium se lede is steeds gewaardeerde BKB-kliënte, sê hy.

Van Heerden, van die plaas Dombietersfontein, Victoria-Wes, was van meet af aan die groot dryfkrag agter Konsortium-Merino. Die groep beywer hom vir die bemarking van Konsortium-lede se wol en vleis onder die handelsmerk, en probeer om kollektief laer koste vir sy boere te beding.

Le Roux sê BKB kan nie gedifferensieerde tariewe (soos wat Konsortium vir sy lede probeer beding) aan klante toestaan nie. Volgens hom is redes vir die BKB-besluit Konsortium se lewering van wol aan ‘n BKB-mededinger (met verwysing na die wolkoper SM wat ‘n voorkeur-aanbod aan Konsortium-lede gedoen het en nou saam met die makelaar SBL wolveilings hou) en Van Heerden se beweerde pogings om BKB-veldbeamptes te werf.

Coetzee sê Cobus Vivier is die enigste oud BKB-veldbeampte in diens van Konsortium. Hy is in 2007, met die medewete van BKB, aangestel. “Geen BKB-veldbeampte is die afgelope twee jaar vir Konsortium gewerf nie. Konsortium wil eerder boerementors aanstel.”

SM het op 1 Mei ‘n premie-aanbod vir Konsortium-wol gemaak. Een opsie is direkte lewering van spesifieke tipes vir verwerking in Segard se meule in Uitenhage. Die alternatief is bemarking deur ‘n twee-weeklikse SM-veiling in Port Elizabeth. Die eerste Konsortium-wol wat by díe aanbod gebaat het, is op 20 Mei by SM afgelaai.
 

View All News

website design & website hosting by nellen.co.za website engineers