1 jaar later

Maandag, 30 Augustus 2010

Sedert Mei 2009, met ons eerste boeredag by die Gariepdam, het Konsortium-Merino baie rimpelings in die wolbedryf veroorsaak. Dis nou ‘n jaar later. Kom ons kyk wat het die groep bereik en hoe het sake vir sy boere verbeter...

Konsortium-Merino bied sy eerste onafhanklike produksieveiling in September 2009 aan. Karoo Vleisboere Koöperasie van Victoria-Wes behartig die kantoor-administrasie en Jakkie Nel, ‘n Konsortium-boer, is die afslaer.
Die 17de produksieveiling oorskry alle verwagtinge. Al 310 ramme word teen gemiddeld R5 199 vir nog ‘n nuwe SA rekordomset verkoop.
Konsortium-Merino beding ‘n alternatiewe bemarkingskanaal vir sy boere se wol. Die twee SMZA-bemarkingsopsies gee boere ‘n keuse en spaar hulle meer as R560 000 aan bemarkingskoste.
Boere spaar ‘n verderre R280 000 aan baalhanteringsfooie.
KM boere verdien ‘n premie vir hul wol.
Ons het ons eie skeerspan.
KM skep identiteit vir sy wol deur die Konsortium-Merino handelsmerk by alle Konsortium-skeersels in die SMZA veilingkatalogus te druk.
KM skeersels getuig van gehalte en sorg vir ‘n oplewing in die wolbeurs .
A.g.v. die vennootskap met SMZA is Konsortium-wol soomloos van die skaap tot in die verwerkte “tops”.
Die KM-wolsak, met ons logo op, betree die mark R40 goedkoper as sy mededingers en is by KM en SMZA te koop.
Die makelaars word gedwing om hul wolsakpryse te verlaag en so spaar boere landswyd bykans R13 miljoen net aan díe uitgawe.
KM besoek in Mei 2010 die International Wool Textile Organization se 79ste wêreldkongres in Frankryk. Hier word buitelandse wolkopers en verwerkers bewus gemaak van Konsortium-Merino se natuurlik geproduseerde wol in Suid-Afrika - 100% mules-vry.
SMZA ontvang uit die buiteland sy eerste bestelling vir Konsortium-Merino “sliver tops” .
KM begin sy eie voerkraal in Christiana. Johan Greyling van Aqua-boerdery is ons vennoot;
Sowat 3 000 lammers is reeds deur die Konsortium-voerkraal bemark. Dit het die potensiaal om 20 000 lammers 4 keer per jaar te hanteer.
Ons vleis word van die veld af aan B-Nagiahs in Midrand bemark, waar dit onder ons handelsmerk in die slaghuis verkoop word.
Die Nagiah-groep betaal ‘n premie vir Konsortium-Merinovleis. Vir AB-grade net ‘n rand minder as die prys vir lam en vir B-grade sowat R2 minder. Dis gewoonlik sowat R3 meer as markprys.
Konsortium-ramme verbeter landswyd boere se kuddes. Boere begin toenemend hul surplusvee as boerskaap verkoop en voeg so waarde tot hul skaapboerdery.

Na bo

1 jaar later

Het u iets om by te voeg ?