Drie silwerramme vir Sentraal-VrystaatGeskep op: 30 Julie 2003 Drie van die vier silwermeriete ramme wat in Julie 2003 op Sentraal-Vrystaat se Veldmerinoveiling aangebied is, kom uit die Konsortium-stal. ‘n Meriete ram op die veiling was ook die span se teling.
Van die 33 Konsortium-ramme wat vir prestasietoetsing by die klub ingeskryf is, is 27 vir die veiling gekeur. Een van die Konsortium se silwermeriete ramme, ‘n seun van Triomf, is vir die hoogste prys van R12 000 verkoop. ´n Seun van Fibre het die eerste plek op rangorde beklee en is as Sentraal-Vrystaat se ram van die jaar aangewys. Hy is vir die naashoogste prys van R10 500 verkoop. Díe ram was die eienskapleier t.o.v liggaamsgewig, GDT en algehele seleksie indeks %. Twee goue meriete vaars, Wiele en Bargain, word in sy voorgeslagte aangetref.
Hul silwermeriete ram, wat met vier goue meriete ramme (Yster, Disaster, Bargain en 114) in sy voorgeslagte spog, is vir R4 200 verkoop en die meriete ram het R4 600 op die veiling behaal. |
